معلومات عن حماية البيانات
عملو باحثين وطلاب من جامعة دويسبورغ-إيسن
استبيان عالنت. وعم يشوفو أجوبة العالم.
وافقو كل العاملين عالاستبيان إنهن يلتزمو بقواعد
حماية البيانات. ولهيك، في قانون إله علاقة باللائحة العامة لحماية البيانات [DSGVO / GDPR].
لازم نخبركن إنه نحنا ملتزمين بقواعد حماية
البيانات بالاستبيان. هالشي بيعني إنه اسمكن ومعلوماتكن الشخصية حيضلو سريين. وكمان
ما حنكشف اسم المدرسة ولا موقعها.
حنحفظ أجوبتكن بطريقة ما حيقدر فيها إلا
الباحثين والطلاب إنه يوصلولها. وحنحفظ المعلومات بطريقة ممكن ترجعو تطلعو عليها
وتقيموها مرة تانية بعدين. بس ما حنشارك المعلومات مع أي حدا تاني.
إنتو حرين تقررو تشاركو بهالاستبيان أو لاء.
وإذا ما كان برغبتكن تشاركو، فما مشكلة. فيكن كمان تخلصو الاستبيان بأي وقت إذا
كان بدكن هالشي. وإذا غيرتو رأيكن فيكن كمان تسحبو موافقتكن بعدين. بس اللي منكون
اتطلعنا عليه لوقتها حيضل متل ما هو.